كفتة الدجاج:
المقادير:
أكيد من اسمها أول حاجه دجاج مفروم (مش هلبا تفرميه يكون وسط)....حمص مبشور....بصل مبشور(في ست البيت طبعا)...معدنوس مفروم....فلفل أكحل ....و حرارات ....ملح...بياض بيض(علي حسب الكمية...كان الكمية اشوية بياض بيضة وحدة و كان الكمية هلبا كتري بياض البيض)
الطريقة:::
أول حاجه ناخدوا الدجاج المفروم نحطوه في صونية ...و بعدين انحطوا عليه البصل المفروم..و بعدين الحمص المبشور ....(كمية الحمص المبشور ضروري اتكون أقل من كمية البصل المبشور) و بعدين انحطوا اشوية فلفل اكحل و اشوية حرارت و ملح و بياض بيض علي حسب الكمية (بياض البيض ضروري منه ردي بالك تنسيه عليخاطر يحافظلك علي ان الخلطة اتكون متماسكة).المكونات هذه كلها اتخلطيها في صونيه .مش اتحطيها علي النار.
بعد ما المكونات لهم خلطيهم اديريهم بيدك صوابع يعني اديري الخليط علي هيئة صوابع و بعدين انتي اتوني اموتيه قبلها كسكاس و تحتها طنجرته فيها اميه....و تكوني داهنه الكسكاس بالزيت و بعدين لكا اديري الخليط صوابع كل ما اديري صبع اتحطيه في الكسكاس و بعدين علي كبر الكسكاس امتعك شن ايسد ..احني كسكاسنا ايسد خمسة صوابع... و بعد ما تكملي خمسة صوابع اتحطيهم في الكسكاس و بعدين اتحطي الكسكاس علي طنجرته..
و بعدين اتخليه أمتى اتحوليهم؟؟؟
اتحوليهم أمتى اتشوفي الدجاج لونه ابيض (واضح ايكون لونه ابيض و اتحسي الصبع اتمساك)
و بعدين اللي تحوليه حطيه في صفره و حوليه بالشوية....و بعدين ديري غيرهم الصوابع و هكذا ديري و حولي ....
و بعدين اللي اديريه اتحطيه في الصفرة....بعدما تكملي خليه اشوية ايجفوا يعني يبسوا اشوة من البخار...و بعدين انت في اداكا الوقت جهزي صونيةدحي و صونيه خبزة مرحية و صونية دقيق....تاخدي بعد ما يجف الصبع اتغطسيه في صونيه الدحي و بعدها صونيه الخبزة المرحية و بعدها صونية الدقيق و تقليها في الزيت لين يقعد لونها قهوي...
و صدقوني طعمتها و بنتها اتجنن أمس درتها كانت عندنا عزومة صاحبات اختي طلعت اتجنن و متخافيش تطلع مش اقنينه انت بس اتبعي الخطوات....و ادعولي ....اللي تجربها اتقولي اماااااااااااانه و اتقولي كيف طلعت امعاها؟؟؟؟؟؟